Under de Saya ang mga lalaki sa china ubos sa Mosuo Culture, ang mga babaye ang tag-iya sa tanan gikan sa apelyido, kabtangan, hangtod sa papel sa panimalay. Ilang giila ang matrilineal system, diin ang tanan gipangulohan sa mga inahan.
Sila ang nagbuot sa desisyon sa pamilya, sa trabaho sa uma, ug sa pagpadayon sa ilang tradisyon. Ang mga anak nagpabilin sa balay sa inahan, ug wala silay kasagaran nga konsepto sa kasal sama sa uban nga kultura.
Ang relasyon sa Mosuo gitawag og “tisese”,usa ka klase sa panag-uban nga base sa pag-uyon ug pagsinabtanay, apan walay pormal nga kasal.
Sa ilang sistema, ang babaye ang mas aktibo sila ang mopaambit sa ilang tinguha ug mopili kung kinsa ilang gustong kapikas. Ang lalaki mutuman lang kung mosugot siya, ug walay pagpugos sa duha ka partido.
Kung dili na interesado ang usa ka partido, pwede ra sila mobulag nga walay samok o kasuko. Para sa Mosuo, ang pagbulag usa ka normal nga bahin sa kinabuhi ug dili kini kataposan sa tanan.
Bisan og ang babaye ang sentro, adunay gihapon papel ang mga lalaki. Sila motabang sa uma, pagpangisda, ug sa mga espiritwal nga tahas. Respeto gihapon sila sa ilang papel bisan pa sa pinasahe nga sistema sa gender roles.
Ang tribo sa Mosuo nagpanghimatuod nga sa kalibutan, daghan ang lain-laing pamaagi sa pagtan-aw sa pamilya, gahum, ug gugma. Dili lang lalaki ang mahimong lider, ug dili lang kasal ang sukdanan sa relasyon.
Photo courtesy of oreoluwa ojo-medium
