Gimando na ni President Ferdinand Marcos Jr. ang daling pag-blacklist sa mga kontraktor nga nalambigit sa maanomalya nga flood control projects.
Isip tubag, gikansela sa Department of Budget and Management (DBM) ang PhilGEPS registration sa siyam ka kompanya nga konektado ni Cezarah Rowena “Sarah” Discaya.
Matod pa ni DBM Secretary Amenah Pangandaman, nag-andam usab ang Procurement Service-DBM nga tangtangon sa listahan ang ubang kompanya sama sa SYMS Construction Trading ug Wawao Builders, kung magpagawas sa opisyal nga blacklist sa Department of Public Works and Highways (DPWH).
Base kini sa Republic Act 12009 o New Government Procurement Act, nga nagmando nga ang tanang nakasulod sa blacklist sa usa ka ahensya kinahanglan dayon nga tangtangon sa PhilGEPS nga nagdili kanila nga molihok o moapil sa bisan unsang bidding sa gobyerno.
Gipasalig usab sa PS-DBM ug DPWH nga padayon ang ilang reporma aron manubag ang mga kurakot nga mga kontraktor ug ibalik ang pagsalig sa publiko.
Photo courtey to: assistance.ph
