Gipadayag sa aktres nga si Awra Briguela ang iyang plano nga mopailawom sa gender reassignment surgery sa umaabot, apan gipasabot usab niya nga dili pa kini mahitabo karon tungod kay gusto niya nga hunahunaon og maayo ang desisyon samtang batan-on pa siya.
Sa iyang pakighinabi sa content creator nga si Killa Kush, gipaambit ni Awra ang iyang personal nga kinabuhi gikan sa pagka-openly gay ngadto sa hingpit nga pagdawat sa iyang kaugalingon isip transgender nga babaye. Samtang, temporaryo nga mihunong si Awra sa iyang showbiz career aron hatagan ug prayoridad ang iyang pag-eskwela.
Gibutyag pa niya nga posible siyang mokuha ug kurso sa Mass Communications o Multimedia Arts, nga para kaniya mas konektado sa iyang gipiling career path.
Photo Courtesy to Awra Briguela IG
