Gikatakdang molusad og 911 emergency hotline ang Department of the Interior and Local Government (DILG) karong Septiyembre 11. Matod sa DILG, ilisan niini ang kapin sa 30 ka lokal nga numero aron mapadali ang pagresponde sa kapulisan, sunog, medikal ug kalamidad.
Ang “Unified 911” nga sistema konektado matud pa sa mga callers sa emergency service sa usa ka network. Gibutyag ni DILG Secretary Jonvic Remulla nga ang hotline usa ka “lifeline” ug ang mga operator gibansay sa pagsiguro sa mga nanawag nga ang tabang anaa gilayon.
Ang nasangpit nga tawag libre sa tibuok nasud bisan unsang orasa ug makatubag sa nagkalain-laing pinulongan sa nasud lakip na ang Cebuano, Ilocano, Waray, Tausug ug Tagalog.
Kahibaluan nga ang 911 unang giimplementar sa nasud isip national emergency number niadtong 2016 sa panahon ni Presidente Rodrigo Duterte, nga gihulip sa karaang Patrol 117 hotline.
Gipirmahan kini ni Duterte ang Executive Order 56 nga nag-institutionalize sa 911 sa tibuok nasud.
Photo courtesy to: assistance.ph
