Nagkanayon nga magtukod ug $70-million nga climate insurance fund ang Departmen of Agriculture (DA) ug ang World Bank isip co-insurance pool nga magdala ug pribadong mga insurer kauban sa state-run Philippine Crop Insurance Corp. (PCIC). Ubos sa maong katikaran, ang Department of Finance magsilbing borrower sa World Bank loan samtang ang DA ang mopatuman sa programa, nga gikatakdang ilunsad sa 2026.
Kini nga inisyatiba gilauman nga makabenepisyo sa 750,000 ka gagmay nga mga mag-uuma ug mangingisda sa panahon nga kini matapos sa 2030.
Pinaagi niini makahigayon ang mga prodyuser nga makabangon human sa mga epetko sa klima ug mapadayon ang produksiyon luyo paman sa mahitabong pagkalangan. Matud sa DA nga ang programa maghiusa sa kasinatian sa PCIC sa agricultural insurance uban sa kapital ug teknikal nga kahibalo sa mga pribadong insurer, lakip ang National Reinsurance Corp. sa Pilipinas.
Pinaagi sa paghiusa sa mga kahinguhaan ug mga risgo, ang gobyerno ug pribado nga mga insurer mag-hiusa alang sa dili maayong mga kalamidad nga nahitabo sama sa hulaw ug baha.
Sumala ni Agriculture Secretary Francisco Tiu Laurel, ang mas lig-on nga gambalay sa insurance makapakunhod sa risgo sa agricultural lending.
Dugang pa niya nga pinaagi niini ma awhag ang mga bangko sa paghatag ug dugang nga pautang, pagtabang sa mga mag-uuma nga mamuhunan sa teknolohiya, pagsagop sa climate-smart practices, ug pagpausbaw sa produktibidad.
Ang DA miingon nga ang proyekto nahiuyon usab sa laraw ni Presidente Marcos sa pag-modernize sa agrikultura ug pagtukod sa usa ka food-secure nga Pilipinas.
Ang pag-anunsyo sa maong programa gipapaabot sa sektor sa mga mag-uuma magpakita og mga timailhan sa recovery, uban ang produksiyon nga mokabat sa 5.7 porsyento sa ikaduhang quarter, sumala sa datos nga gipagawas kaniadtong miaging bulan sa Philippine Statistics Authority.
Nalabwan niini ang 1.9-porsiyento nga pagtubo nga natala sa unang kwarter ug gibaliktad ang 3.2-porsiyento nga pagkunhod nga na post sa samang panahon sa miaging tuig.
Photo courtesy to: Manila Bulletin
