Arestado sa hiniusang pwersa sa Pres. Roxas Municipal Police Station kauban ang CIDG ug HPG North Cotabato, ang Top 10 Regional Most Wanted Person sa Brgy. Poblacion, President Roxas, Cotabato.
Giila ang suspek nga sil alyas Rom, 61-anyos, minyo, mag-uuma ug residente sa Sitio Lubo, Brgy. Ned, Lake Sebu, South Cotabato.
Adunay standing warrant of arrest ang suspek sa kasong Murder nga gi-isyu ni Hon. Judge Rodolfo Serrano sa Regional Trial Court, Branch 17, Kidapawan City, pinetsahan niadtong August 24, 2000 ug walay pyansang rekomenda.
Nahimong posible ang pagkadakop sa suspek pinaagi sa tabang sa Barangay Intelligence Network sa naasoy nga barangay, nga nihatag og impormasyon sa lokasyon sa dinakpan.
Sa karon, anaa na sa kustodiya sa Pres. Roxas Municipal Police Station ang suspek ug atubangon niini sa korte ang kasong gipasang-at batok kaniya.
Photo courtesy to: PRO12 COTABATEÑO PPO
