Gitubag og klaro sa suod nga higala ni Kris Aquino ang mikatap nga balita nga patay na matud pa ang actress ug TV host.
Sa usa ka pahibalo nga gibutyag ni Dindo Balares sa social media, sa chismis nga miulbo karong semanaha. Matud pa niya, buhi pa ug lig-on gihapon si Kris Aquino, ug nagpadayon ang iyang pakigbisog batok sa balatian.
Gipahayag ni Dindo nga gidala lang sa ospital si Kris tungod sa pagtaas sa BP ug paghunong sa iyang WBC o white blood cells usa ka seryosong kondisyon nga gikinahanglan og medikal nga pag-atiman.
Dugang pa niya, mopa-ilawom og operasyon si Kris tungod sa blood clots nga nakaplagan sa iyang lawas. Apan taliwala niini, nagpadayon ang pagtambal ug lig-on gihapon ang fighting spirit sa Queen of All Media.
Photo courtesy of enquirer. net
