Mokabat sa P142 thousand ang utang sa matag Pilipino tungod sa P17 trilyones nga utang sa Pilipinas, kini ang kalkulasyon sa Senate Committee on Finance Chairperson Sherwin Gatchalian atol sa budget briefing sa Development Budget Coordination Committee (DBCC) mahitungod sa gisugyot nga 2026 national budget.
Tungod sa naipon nga utang sa nasud, matag pilipino karon adunay utang nga P142,000. Kana mga 80% sa konsumo sa panimalay matag capita, matud ni gatchalian kaniadtong martes.
Dugang niya nga ang utang mas milapad pa kaysa sa ekonomiya sukad 2023 tungod sa nagkadaiyang rason sama sa gubat sa ukraine ug geopolitical issues. Mas dako ang ginabayaran nga interest, imbes nga igasto sa mga panginahanglan.
Kung dili madumala ang utang, sa administrasyong Marcos hangtod matapos ang termino, kini ang kinadak-an nga utang sa tanang administrasyon.
Gisaysay sab ni Gatchalian nga ang administrasyong Marcos, adunay gisunod nga utang nga P12.8 trilyon gikan sa Duterte administration, samtang ang Duterte administration adunay gisunod nga utang nga P6 bilyon lamang sa nilabay’ng administrasyon.
