Gidunggab-patay sa usa ka manghod ang iyang kaugalingong magulang nga lalaki tungod lamang sa pag-ibot sa charger sa laptop didto sa Purok 4, Barangay Tabok, Lagonglong, Misamis Oriental.
Giila ang biktima nga si Elizalde Arnejo Baslao, 40-anyos, ulitawo ug giila ang suspetsado nga si Arnel Baslao, 38-anyos, ulitawo ug pulos resdinte sa naasoy nga lugar.
Segun ni Lagonglong Municipal Police Station Investigator on-case Police Staff Sergeant Jerome Nabong nga tungod lamang sa charger nga giibot sa biktima samtang ang suspek naglantaw sa laptop.Og miabot sa punto nga grabe na ang lalis sa duha ug didto nahitabo ang maong insidente.
Samtang sa pagkakaron ang suspetsado nag atubang na sa kasong homicide nga gipasaka batok kaniya.
