Wala mamatay ang usa ka talagsaong kahoy didto sa kalasangan sa Panama, human kini maigo sa kilat nga nakapakurat sa mga scientist tungod kay ang maong kahoy makalahutay sa mga kilat,ug mutobo hinuon.
Giila ang kahoy nga usa ka almond tree, o Dipteryx oleifera, maka agwata nga maigo sa kilat, samtang ang mga tapad nga mga kahoy nasunog ug mamatay. Matod ni Evan Gora, usa ka forest ecologist, niadtong 2015 nakakita siyag almond tree nga daw wala maunsa human naigo sa kilat. Samtang ang mga silingang kahoy ug mga bagon niini nagkatag sa palibot, ug nasunog sa kuryente.
Nagpahigayon ug halapad nga pagtuon ang grupo ni Gora sa Barro Colorado Nature Monument, ilang nadiskobrehan nga ang tanang kahoy nga almendras kon almond tree nga naigo sa kilat naluwas ug wala mamatay. Halos 64 porsiyento sa ubang mga kahoy nga nangatumba ug namatay sulod sa duha ka tuig. Labi pa nga makapakurat, ang kahoy nga almendras daw naggamit ug kilat aron mamatay ang mga tapad niini.
Bisan kung dili pa sigurado kung giunsa nila nga naluwas sa kilat, ang mga eksperto nagduda nga kini adunay kalabotan sa ilang natural nga conductivity.
Photo Courtesy:Amazing Science Facts
