Nagpakita og kalooy ang actress ug animal welfare advocate nga si Carla Abellana human iyang makit-an ang usa ka aspin nga namatay tungod sa hit-and-run sa daplin sa Quezon City Circle. Sumala sa aktres, sobra usa ka adlaw na nga patay ang iro ug nagsugod na kini og pagkadunot dihang iyang nadiskobrehan.
Sa usa ka video nga iyang gi-post sa Threads, giingon ni Abellana nga adunay nakadasmag sa iro ug gibutang lang kini sa kilid sa karsada. Uban sa tabang sa iyang driver, gidala nila ang lawas sa iro ug gihatagan og hustong paglubong sa usa ka bakanteng lote duol sa iyang balay.
Matod ni Carla, kini mao ra ang pinakasimple nga butang nga iyang mabuhat isip respeto sa hayop nga wala natabangan. Dugang pa niya, makaguol sa iyang bahin nga makita ang daghang stray animals nga gigutom, gitalikdan, nag-antos ug mahimong biktima sa hit-and-run matag karon ug unya.
Photo courtesy to: Philstar
