Nipaambit ang aktres ug singer nga si Vina Morales kinsa nag-ampo matud pa siya matag gabii nga makakita og bana aron adunay makauban sa kinabuhi.
Atol sa press conference sa Star Magic Spotlight sa Quezon City, gibutyag ni Morales nga bisan og single ug busy sa trabaho, naglaum gihapon kini og partner nga mahimong kasandigan.
Kahibaloan, si Morales adunay duha ka tuig nga relasyon sa iyang American non-showbiz boyfriend nga si Andrew Kovalcin, apan nagbulag sila niadtong 2024 tungod sa kalisod sa long-distance relationship.
Dugang pa niini, aduna nay anak ang maong aktres nga si Ceana nga bag-ohay lang nagsaulog sa ika-16 nga adlawng natawhan.
Photo by Willy Sanjuan/Invision/AP, File
