Nakasakmit ang Bureau of Customs (BOC) og P605.29 milyon nga kantidad sa smuggled nga sigarilyo gikan China ug Vietnam nga gitago sa usa ka bodega sa Plaridel, Bulacan niadtong Agosto 22.
Sumala ni BOC Commissioner Ariel Nepomuceno, nasakmit ang 8,647 master cases sa sigarilyo nga nakalusot sa hustong customs inspection.
Gidakop ang tulo ka indibidwal lakip ang tag-iya sa bodega, usa ka drayber, ug usa ka helper. Wala kini mga permit ug wala marehistro, hinungdan nga walay garantiya sa health standards.
Matod ni Assistant Commissioner Vincent Maronilla sa Post-Clearance Audit Group, kasagaran kini nga iligal nga produkto ,ibaligya sa mga probinsya tungod kay mas barato ug wala magbayad og excise tax.
Gipahibalo sa BOC nga ang nakumpiskar nga sigarilyo ipalawom sa destruction subay sa standard nga proseso ug pasakaan og kaso kriminal ang tag-iya sa bodega. Nagpadayon usab ang follow-up investigation aron masuta kung giunsa pagsulod sa shipment sa nasud ug nakalusot paingon Tondo, Manila.
source:abante
