Grabe nga ulan nga dala sa Tropical Storm Kajiki ang hinungdan sa pagbaha ug landslide sa Vietnam ug Thailand nga miresulta sa pagkamatay sa walo ka tawo.
Sa Vietnam, pito ang patay, usa ang nawala ug 34 ang nasamdan. Halos 20 sentimetro sa ulan ang mibubo sulod lang sa usa ka gabii sa amihanang bahin sa nasod, ug nagpabilin ang mga pahimangno sa pagbaha sa daplin-suba nga lugar.
Sa Thailand, usa ang patay ug usa ang pabiling nawala human sa landslide sa siyudad sa Chiang Mai. Daghang balay ang naapektuhan ug pipila pa ang nasamdan sa flashfloods ug landslide sa amihanang probinsya.
Human miigo ang bagyo sa Hainan Island sa China, misunod kini pag-landfall sa sentral nga bahin sa Vietnam diin liboan ang gipapahawa gikan sa delikadong lugar.”
Gipahimangnoan sa mga eksperto nga tungod sa climate change, mas paspas ug mas kusog ang mga bagyo sa Southeast Asia ug mas motaas ang peligro alang sa dagkong syudad.
source: ZBNI
