MALAYBALAY CITY- Mibalik sa sabakan sa gobyerno ang usa ka miyembro sa Communist Terrorist Group kagahapon Agosto 6, 2025 didto sa Bukidnon 2nd Provincial Mobile Force Company Headquarter, Purok Mauswagon, Barangay Pinamaloy, Don Carlos, Bukidnon.
Giila ang misurender nga si alyas Kaptin, 39-anyos, lalaki giilang myembro sa nadismantle nga Sub-Regional Sentro De Grabidad (SRSDG) Peddler Sub Regional Committee 2 sa North Central Mindanao Regional Committee (NCMRC)
Ang maong pagsurender pinaagi sa hiniusang koordinasyon sa mga personahe sa Bukidnon 2nd Provincial Mobile Force Company pinangulohan ni PLt.col. Alfredo Guminang Ortiz Jr, FC kauban ang Bukidnon Provincial Intelligence Unit, 1003rd Company, Regional Mobile Force Battalion – 10 ug uban pa
Gipaubos na karon sa kustodiya sa Bukidnon 2nd PMFC ang nasangpit alang sa debriefing ug profiling
Subli nag-awhag ang PNP sa mga nalambigit sa armadong pakigbisog pagdawat na sa kalinaw ug pagtrabaho paingon sa mas hayag ug malinawon nga Bukidnon.
via: Bukidnon 2nd PMFC
