MALAYBALAY CITY- Nadakpan sa gikasang police operation ang suspetsado sa pagpayuhot ug smuggled nga sigarilyo Agosto 6, 2025 sa Barangay 9, Malaybalay City, Bukidnon.
Nailhan ang suspetsado si Junaid Naga Mama, anaa sa hustong edad, lalaki ug nagpuyo sa maong lugar kung asa nakuha gikan sa iyang possession ang smuggled nga sigarilyo human masayri nga walay graphic health warnings.
Gipangulohan ang operasyon sa mga personahe sa 1st Bukidnon Provincial Mobile Force Company ni PMAJ Anthony O Townend, Officer in Charge uban sa koordinasyon sa Bukidnon Provincial Intelligence Unit batok sa Smuggled Cigarette ug R.A. 10643 Graphic Health Warnings Law sa pampublikong merkado.
Kinatibuk-an nga 12 ka ream ug 12 ka pakete sa nagkadaiyang sigarilyo, gibanabana nga mokantidad sa P10,080.00 ang nakumpiska, naglakip sa upat ka (4) reams Brons green duha (2) ka reams Fort green, usaka (1) ream sa commando red ug uban pa.
Nakig-alayon sa pagkumpikas sa smuggled nga sigarilyo ang City Health Officer, ug Compliance Officer sa Bureau of Internal Revenue sa Malaybalay City.
Sa karon ang nakuhang smuggled nga sigarilyo anaa na sa kustodiya sa 1st Bukidnon PMFC.
via: 1st Bukidnon PMFC
