𝐏𝐑𝐎𝐁𝐋𝐄𝐌𝐀 𝐒𝐀 𝐅𝐋𝐎𝐎𝐃 𝐂𝐎𝐍𝐓𝐑𝐎𝐋 𝐏𝐑𝐎𝐉𝐄𝐂𝐓, 𝐈𝐌𝐁𝐄𝐒𝐓𝐈𝐆𝐀𝐇𝐀𝐍 𝐒𝐀 𝐃𝐏𝐖𝐇

Nipasalig si Department of Public Works and Highways kon DPWH Secretary Manuel Bonoan sa publiko nga i-validate ug imbestigahan sa ilang buhatan ang problema nga may gikalambigitan sa flood control projects.

Gagikan ang maong pasalig ni Bonoan, human gibutyag ni Senador Panfilo Lacson ang pagduso og silot batok sa mga kontraktor, ug mga kakunsabo sa gobyerno nga nalambigit sa mga palpak nga mga proyekto sa pagbaha.

Sa sayo pa, misaad si Presidente Ferdinand ”Bongbong” Marcos Jr. nga ang iyang mga kaalyado dili makalingkawas kung makita niya nga nalambigit sila sa korapsyon sa proyekto sa pagpugong sa baha.

Miangkon usab ang DPWH nga wala silay sistema sa monitoring alang sa pipila ka flood control projects, partikular na kadtong gisulod sa mga magbabalaod ngadto sa nasudnong budget nga wala moagi og technical vetting.

photo credits:dpwh.gov.ph