Padayon ang operasyon sa mga otoridad sa estado sa Uttarakhand, India, alang sa pagpangita sa kapin 100 ka indibiwal nga gi-report nga nawagtang human sa kalit nga pagbaha ug landslide sa maong rehiyon.
Base sa report sa lokal nga gobyerno, upat na ang kumpirmadong patay samtang daghang mga balay ang nadala sa tubig ug lapok nga mihapak gikan sa kabukiran.
Tungod sa kalit nga pagbundak sa ulan, naguba ang pipila ka dalan ug tulay, hinungdan sa kalisod sa pagresponde.
Miapil na ang mga kasundalohan ug mga sakop sa disaster response teams sa pagpangluwas sa mga residenteng na-trap ug pagpangita sa mga namissing.
Sumala sa mga opisyal, gitutukan karon ang mga lugar nga grabe ang kadaut, samtang gipatuman ang evacuation sa mga lugar nga delikado pa ang kahimtang.
Ang mga naapektuhan, gitabangan na pinaagi sa paghatag og pagkaon, tubig, ug temporaryong puloy-anan samtang padayon ang pahinumdom sa dugang pagbaha tungod sa wala pa mahunong nga pag-ulan.
photo credits:msn.com
