Gipalapdan sa Technical Education and Skills Development Authority (TESDA) ang ilang mga serbisyo aron mas maabagan ang mga estudyante sa ilang mga career path ug matabangan sila nga makakuha ug kalidad nga mga trabaho.
Sa mga diskusyon human sa ika-upat nga State of the Nation Address (SONA) ni Presidente Ferdinand R. Marcos Jr., si Secretary Jose Francisco Benitez, TESDA director general, miingon nga ang tabang makahimo sa career progression nga mas klaro ug mas sayon alang sa mga estudyante.
Gipahibalo ni Presidente Marcos nga ang technical vocational education and training programs sa TESDA i-introduce sa senior high school aron mahatagan ang mga estudyante og pagpili kung unsang field ang sudlon human sa gradwasyon.
Matod ni Benitez nga ang TESDA nagpatuman usab ug padayon nga assessment, diin ang mga senior high school students mahimong mahatagan ug certifications alang sa ilang kahanas ug kahibalo.
Sa miaging tuig, mga 175,000 ka mga gradwado sa high school ang nahatagan og National Certification Levels II (NC2) ug III (NC3) certificates,. Upat sa lima ka mga kompanya ang andam nga mo-hire og mga estudyante sa senior high school nga adunay sama nga mga kredensyal.
Ang TESDA nagmugna usab ug mas taas nga lebel nga mga NC alang sa mas dayag nga pag-uswag sa karera. Ang TESDA naghiusa usab sa ilang rehistro ug pagbansay sa web-based job-matching portal sa Department of Labor and Employment, PhilJobNet. Sa mando ni Presidente Marcos, ang mga serbisyo sa TESDA ilakip usab sa eGovPH super app sa dili madugay.
