Nunot sa bag-o nga pagsaka sa diskwento sa plitehan sa mga senior citizen ug persons with disability (PWD) sa MRT-3, ang Department of Transportation (DOTr) nipahinumdom sa mga espesyal nga pasahero sa automatic discounts sa ilang concessionary card.
Atol sa ikaupat nga State of the Nation Address (SONA) ni Presidente Ferdinand R. Marcos, Jr. niadtong Lunes, iyang gipasiugda ang pag-usbaw sa discount rate gikan sa 20% ngadto sa 50% alang sa mga senior citizen, PWD, ug mga estudyante nga nagtumong sa paghimo sa pampublikong transportasyon nga mas sayon alang sa huyang nga sektor ug mga estudyante.
Ang Presidente miingon nga mokabat sa 13 milyones ka senior citizens ug pito ka milyon ka PWDs ang makabenepisyo sa discount program sa tibuok MRT-3 system.
Matod sa DOTr, automatic nga 50% nga diskwento sa plitehan ang awtomatik nga maminusan kung mogamit ang mga senior ug citizen sa ilang concessionary beep cards.
Kung walay concessionary beep card, ang mga senior ug PWD pasahero mahimong moduol sa tigbaligya og ticket ug magpakita sa ilang PWD o senior citizen ID aron makakuha og 50% nga diskwento nga Single Journey Ticket.
Ang 50% nga diskwento sa pletihan magamit sa tanang oras sa operasyon sa MRT-3, Lunes hangtod Domingo.
Mga lakang kung unsaon pag-avail sa concessionary beep card: Dad-a ang orihinal ug photocopy sa valid ID (senior citizen o PWD ID) ug ipresentar sa pinakaduol nga estasyon sa MRT-3. Pangitaa ang Commuter Welfare Desk o bisan unsang Tellerβs Booth aron makakuha og Concessionary Registration Form.
Sulati ang porma ug isumite kini sa commuter welfare officer o teller kauban ang mga dokumento. Sa higayon nga ang aplikante dili makakompleto sa porma, ang usa ka awtorisado nga indibidwal mahimong dad-on aron sa mokompleto sa porma alang sa aplikante. Kinahanglang bayran ang usa ka higayon nga bayronon sa pag-isyu nga P30.00.
Kuhaon ang claim stub nga ihatag ug balik sa estasyon sa petsa nga gipakita sa stub. Kung ang aplikante dili makabalik sa gitakda nga adlaw, ang usa ka awtorisado nga tawo mahimong ipadala aron kolektahon ang kard uban ang usa ka balido nga ID ug sulat sa pagtugot ug balido nga ID sa aplikante.
Ang pagproseso sa concessionary card kasagarang mokabat ug 7 hangtod 10 ka adlaw. Kon makuha na ang card, mahimo na kining ikarga aron magamit sa MRT-3 ug makadawat og 50% nga diskwento sa plitehan.
Source: JEG/PIA-NCR
photo:rappler.com
