𝐒𝐄𝐍𝐀𝐃𝐎, 𝐓𝐔𝐊𝐈𝐎𝐍 𝐀𝐍𝐆 𝐈𝐒𝐘𝐔 𝐒𝐀 𝐈𝐌𝐏𝐄𝐀𝐂𝐇𝐌𝐄𝐍𝐓 𝐍𝐈 𝐕𝐏 𝐒𝐀𝐑𝐀 𝐃𝐔𝐓𝐄𝐑𝐓𝐄 𝐊𝐀𝐑𝐎𝐍𝐆 𝐀𝐆𝐎𝐒𝐓𝐎 𝟔

Gikatakdang hisgutan sa Senado karong Agosto 6 ang isyu sa impeachment batok kang Bise Presidente Sara Duterte.

Gipahibalo kini ni Senate President Francis Escudero atol sa plenary session human sa ilang all-member caucus.

Matod niya, nagkinahanglan pa og igo nga panahon ang mga senador aron susihon ug sabton pag-ayo ang 97 ka pahina nga desisyon sa Korte Suprema, gawas pa sa mga laing concurring ug separate opinions nga gisumite sa lima hangtod unom ka mga mahistrado.

Dumduman nga mitigom ang Senado isip impeachment court niadtong miaging buwan, apan ilang gibalik dayon ang kaso sa House of Representatives human sa pipila ka oras tungod sa mga pangutana kabahin sa konstitusyonalidad niini.

photo:rappler.com