Mibungga ang paggukod sa Gilas Pilipinas sa ilang send-off games batok sa Macau Black Bears, sa Final score nga 103 vs 98.
Niabot og 21 puntos ang paggukod sa Gilas ug sa kataposan napildi ang Macau sa dula nga gipahigayon sa Araneta Coliseum.
Ang nasangpit nga dula usa ka preparasyon sa ilang bid alang sa 2025 FIBA Aisa Cup karong umaabot nga Agosto nga ipahigayon sa nasud Saudi Arabia.
Gipangulohan ni Justin Brownlee ang kadaugan sa Gilas Pilipinas pinaagi sa iyang 32 puntos, 15 ka rebounds ug lima ka assists samtang si Dwight Ramos adunay 19 puntos, unom ka assists ug upat ka rebounds ug si AJ Edu miiskor og 15 puntos.
Ang Gilas adunay friendly game batok sa Jordan karong Agosto 2, 2025. Dugang pa niini, sa umaabot nga mga adlaw, ang Gilas molupad paingon sa Saudi Arabia diin una nilang ikasangka ang Chinese Taipei sa Agosto 6, 2025 sundan sa New Zealand sa Agosto 7 ug Iraq sa Agosto 9, 2025.
