𝐁𝐄𝐍𝐓𝐄𝐍𝐆 𝐁𝐈𝐆𝐀𝐒 𝐍𝐈 𝐏𝐁𝐁𝐌 – 𝐏𝐀𝐋𝐀𝐏𝐃𝐀𝐍 𝐏𝐀

Natuman na ang programa ni Presidente Ferdinand Marcos Jr nga Benteng Bigas kon tag P20 matag kilo nga bugas-humay sa tibuok nasud Pilipinas.

Subay sa iyang ika-upat nga State of the Nation Address kon SONA, gipahayag niini nga mag-andam ang panggamhanan og P113- bilyon aron pakusgan ang mga programa sa Department of Agriculture (DA) ug palapdan ang P20 Rice Program sa tibuok nasud.

Gitubag usab sa pangulo ang mga nangutana kung asa na ang maong programa niini, nga napamatud-an na nga kaya na ang tag bente pesos nga bugas nga dili malugi ang mga mag-uuma. Diin bag-ohay lamang malampusong gilunsad kini sa Luzon, Visayas, ug Mindanao.

Gumikan matud pa sa giandam niining pondo nga P113-bilyon aron pakusgan ang maong programa sa DA, ilusad na kini sa tibuok nasud pinaagi sa gatusan nga mga Kadiwa store ug centers sa nagkalain-laing lokal nga panggamhanan.

phot:newsinfo.inquirer.net