Nagkatapok ang kapin sa usa ka gatos ka mga aktibista atubangan sa Philippine Consulate General sa New York aron magpahigayon og protesta nga gitawag og “People’s State of the Nation Address” kon PSONA.
Nag-protesta ug nipadayag sa ilang mga mulo sa ilang gihulagway nga hinay nga pagtubag sa Philippine Consulate ug sa Philippine Embassy sa Washington, D.C. sa pagdakop sa mga pilipino nga apektado sa bag-ong immigration policy ni US President Donald Trump.
Gikondena usab sa mga grupo ang giingong militarisasyon sa US sa Pilipinas, lakip ang pag-deploy og mga bala sa Amerika ug arsenal sa militar- nagpasidaan nga ang maong mga aksyon makadugang sa “geopolitical” nga tensyon tali sa America, China, ug Pilipinas.
Dugang pa, gisaway sa mga nag-protesta ang hinay nga pagtubag sa gobyerno sa Pilipinas sa bag-ohay nga kaylap nga pagbaha sa nasud nga mikalas sa kinabuhi sa kapin sa 31 ka mga indibidwal.
