Patay ang usa ka lalaki human masuyop sa makina sa usa ka eroplano nga nangandam na nga molupad sa Bergamo Airport sa amihanang Italya.
Ang biktima, dili usa ka pasahero o usa ka empleyado sa tugpahanan kinsa mipugos lamang pagsulod sa runway, diin siya “gigukod” sa mga security guard sa airport.
Sumala sa Corriere della Sera sa Italy ang biktima usa ka 35-anyos nga lalaki ,Italyano, Giingong kalit lamang kining mibutho sa airport, dayon migamit og emergency exit paingon sa runway og mipadulong sa usa ka eroplano nga nangandam alang sa take-off.
Samtang mipagawas og pamahayag ang Spanish airline Volotea sa social media nga ang paglupad niini gikan sa Bergamo padulong sa Asturias sa Spain nalambigit sa usa ka “insidente” sa 10:35 am (0835 GMT).diin ang maong eroplano lulan angΒ mokabat sa 154 ka mga pasahero ug unom ka mga crews nga anaa sa luwas na ang kahimtang.
