Gipatin-aw sa aktres nga si Ellen Adarna nga dili artificial intelligence o AI-generated ang iyang nindot nga mga litrato gikan sa iyang bag-ohay nga pagbisita sa China, human adunay mga netizen nga nagduda nga gi-edit kini pag-ayo.
Sa iyang social media posts, gipakita ni Adarna ang iyang pagsul-ob og tradisyonal nga Chinese outfits sama sa Cheongsam ug Hanfu, uban sa makeup nga nailhan isip Douyin style.
Matud niya, raw ug wala gi-retouch ang mga litrato kay siya mismo ang mihangyo nga dili kini usbon. Gipaambit usab niya ang behind-the-scenes nga mga hulagway aron ipakita ang proseso sa pag-makeup ug photoshoot. Matud pa sa aktres, ang makeup artist maoy nakapausab sa iyang hitsura sulod lang sa wala pay 30 minutos.
Photo courtesy: Ellen Adarna/Instagram










