Giawhag ang publiko nga mosuroy ug mosuporta sa nagkalainlaing lokal nga coffee shops sa dakbayan sa Mati pinaagi sa Drone Summit Coffee Trail isip kabahin sa pagpangandam alang sa Eagle’s Hope Drone Summit nga ipahigayon sa Nobyembre 28 hangtod 29, 2026.
Pinaagi sa maong kalihokan, mahatagan og higayon ang mga bisita nga makatilaw sa nagkalainlaing klase sa kape, makaila sa mga lokal nga negosyo ug masinati ang maabiabihong serbisyo sa mga Oriental Dabawenyo.
Giawhag usab ang mga interesado nga susihon ang opisyal nga Coffee Trail Map aron maplano ang ilang mga destinasyon ug matagamtam ang lokal nga kultura sa kape samtang nagsuroy sa nagkadaiyang atraksyon sa Davao Oriental.
Photo courtesy: Eagles Hope










