Nagpadayon ang Police Regional Office 11 sa pagpalig-on sa kampanya batok sa kriminalidad pinaagi sa sunod-sunod nga operasyon nga gipahigayon sugod alas 6:00 sa buntag niadtong Nobyembre 17, 2026 hangtod alas 5:59 sa buntag sa Nobyembre 18, 2026.
Sa kampanya batok sa illegal nga droga, nakapahigayon ang kapulisan og 16 ka operasyon nga miresulta sa pagkadakop sa 17 ka mga suspek ug pagkakumpiska sa usa ka gramo sa marijuana ug 161.96 gramos sa shabu, diin adunay standard drug price nga P1,101,448.00.
Sa laing bahin, sa kampanya batok sa mga wanted person, nakapahigayon usab ang PRO 11 og 13 ka operasyon nga miresulta sa pagkadakop sa tulo ka provincial-level wanted persons, duha sa municipal-level ug walo ka uban pang wanted persons.
Dugang niini, gipadayon usab sa kapulisan ang hugot nga pagpatuman sa mga lokal nga ordinansa ug ang pagpahigayon og intensified police visibility aron mapalig-on ang seguridad sa komunidad.
Photo courtesy: PRO 11










