Nasikop sa mga sakop sa Police Station 20–Los Amigos ang usa ka wanted person nga giila sa alyas nga “Nedo” atol sa pagserbisyo sa warrant of arrest alas 9:30 sa buntag niadtong Nobyembre 17, 2026, sa Barangay Biao Guianga, Tugbok District, Davao City.
Ang suspek giatubang ang kasong Qualified Theft ubos sa Criminal Case No. R-DVO-18-03594-CR, pinasikad sa warrant nga gipagawas niadtong Disyembre 4, 2018, ni RTC Branch 17 Judge Emmanuel C. Carpio, nga adunay girekomendar nga piyansa nga P24,000. Gipangulohan ni PMAJ Roel C. Ibañez ang Joint Tracker Team nga nagpahigayon sa operasyon.
Gipasalig ni PMAJ Ibañez nga ipadayon sa Police Station 20–Los Amigos ang pagpangita ug pagdakop sa mga wanted person aron masiguro ang pagpatuman sa balaod, paghatod sa hustisya ug pagmintinar sa kalinaw ug kahusay sa komunidad.
Photo courtesy: DCPO










