Giangkon sa vlogger ug aktres nga si Alex Gonzaga nga naglisod siya sa pagpabalik sa pagpasuso sa iyang anak nga si Baby Isaac. Sa iyang Instagram post, gisaysay ni Alex nga hapit usa na ka semana silang naglisod aron makasuso pag-usab ang iyang anak. Tungod sa kalisod, napaakan pa gani siya sa bata kaduha.
Apan dako ang iyang kalipay human malampusong nakasuso pag-usab si Isaac, bisan milungtad kini og hapit 30 minutos. Matud pa ni Alex, okay ra kaniya ang kakapoy basta alang sa kaayohan sa iyang anak. Daghang netizens ang mipadayag og suporta ug pagdayeg kaniya isip inahan.
Photo courtesy: Instagram/Alex Gonzaga-Morada










