Nagpagwa ang Philippine National Police Academy ukon PNPA sang iskedyul kag mga panugyan para sa mga examinee sang PNPACAT 2026 nga pagahiwaton sa Oktubre 25, 2026.
Suno sa PNPA, ang Set A nga mga examinee magaagi sa pag-usisa sang attendance kag requirements halin alas 6:30 tubtob alas 7:30 sang aga, orientation tubtob alas 8:00, kag eksaminasyon tubtob alas 11:00 sang aga.
Para sa Set B, ang pag-usisa sang attendance kag requirements maga-umpisa alas 11:30 sang udto, sundan sang orientation alas 12:30 sang hapon, kag eksaminasyon halin alas 1:00 tubtob alas 4:00 sang hapon.
Ginahatagan sang prayoridad ang mga kwalipikado nga examinee sa ila natalana nga testing center, sunod ang mga cross-examinee nga may lain nga testing center ukon iskedyul. Ang mga walk-in examinee naman pagaprosesuhon kag kwalipikahon sa personal sa Oktubre 24, 2026.
Ginapanugyan ang tanan nga examinee nga sundon ang ila natalana nga iskedyul kag preparahon ang tanan nga kinahanglanon nga dokumento para sa hapsay nga pagkuha sang eksaminasyon.
