Arestado sang kapulisan ang isa ka ginakabig nga high-value individual ukon HVI kag nakumpiskar ang ginapatihan nga shabu nga nagabalor sang ₱146,880 sa buy-bust operation sa Barangay Lilit, Lambayong, Sultan Kudarat, sang gab-i sang Oktubre 21.
Ang suspek nga gin-kilala sa alyas nga “Titop,” 34 anyos, nadakpan sang nagbinuligay nga mga operatiba sang Lambayong Municipal Police Station, Sultan Kudarat Provincial Drug Enforcement Unit, kag iban pa nga yunit sang kapulisan.
Narekober sa operasyon ang tatlo ka sachet sang ginapatihan shabu nga may kabug-usan nga kabug-aton nga 21.6 gramos, lakip ang isa ka libo ka pesos nga gin-gamit bilang marked money.
Nagapangatubang ang suspek sang reklamo sa ginapahayag nga paglapas sa Sections 5 kag 11 sang Republic Act 9165 ukon Comprehensive Dangerous Drugs Act of 2002.
Photo courtesy: PNP Police Regional Office 12
