Nagpatigayon ang Department of Environment and Natural Resources ukon DENR Region 12 sang Regional Environment and Natural Resources Statistical Quiz Bee sa Koronadal City sang Oktubre 22, 2026, bilang kabahin sang ika-37 nga National Statistics Month.
Ang kompetisyon nga ginhiwat sa DENR XII Function Hall nagtinguha nga mapauswag ang ihibalo sang mga empleyado sa Environmental and Natural Resources Statistics, nga importante sa husto nga pagdumala sang kinaiyahan kag malungtaron nga turismo.
Nagkampeon si Ray S. Padernilla sang Mines and Geosciences Bureau, samtang nagkuha sang first runner-up si Joffrey A. Paquit sang CENRO Glan. Si Norhussien O. Abdullah sang PENRO Cotabato naman ang second runner-up.
May tema nga “Tuklas Pilipinas: Statistics as Beacon Towards Inclusive, Resilient, and Sustainable Tourism” ang selebrasyon nga nagapatalupangod sa importansya sang masaligan nga datos sa pagplano kag pagpatuman sang mga programa para sa malungtarong pag-uswag sang rehiyon.
Photo courtesy: DENR Soccsksargen
