Nagpadayon ang Barangay Depore Rescue Volunteers sa ilang lima ka adlaw nga Basic Rope Rescue Technique (BRRT) Training atol sa ikatulo ug ikaupat nga adlaw sa pagbansay sa Bayog, Zamboanga del Sur. Gipahigayon ang mga kalihokan sa Bayog National Technical Vocational High School, Depore Covered Court, ug Farmers Training Center.
Ang maong pagbansay gihangyo sa Barangay Depore Council ug gisuportahan sa Municipal Disaster Risk Reduction and Management Council pinaagi sa MDRRMO, sa koordinasyon sa Bureau of Fire Protection.
Nagsilbing instructor ang mga personahe sa BFP Special Rescue Force Region 9 nga naggiya sa mga partisipante sa praktikal nga mga ehersisyo ug nagpaambit sa hustong pamaagi sa rope rescue aron mapalambo ang ilang kahibalo ug kaandam sa pagtubag sa mga emerhensiya.
Pinaagi niini, gipalig-on sa lokal nga pangagamhanan sa Bayog ang kapasidad sa mga boluntaryong rescuers sa barangay ug ang kaandam sa komunidad batok sa mga kalamidad ug uban pang emerhensiya.
Photo courtesy:LGU BAYOG
