Pormal nga gipahigayon Oktubre 23, ang opening ceremony sa Exercise Surigao Sentinel 2026 sa Philippine Ports Authority sa Surigao City, ubos sa temang “Beyond the Strait: Converging the Historical Legacy and Multi-Domain Security.”
Mitambong sa maong kalihokan si Surigao City Mayor Pablo Yves “Paul” Dumlao II, Lieutenant General Edmundo G. Peralta, Chief of Staff sa Armed Forces of the Philippines (AFP), kauban ang ubang kadagkoan sa AFP, mga reservist, Philippine Coast Guard (PCG), Bureau of Fire Protection (BFP) ug nagkadaiyang ahensiya sa gobyerno.
Tumong sa maong ehersisyo ang pagpalig-on sa koordinasyon ug panaghiusa sa militar, mga ahensiya sa gobyerno ug mga komunidad sa pag-atubang sa nagkadaiyang hagit sa seguridad, ilabina sa maritime security ug uban pang dominyo nga may kalabotan sa depensa sa nasud.
Gilaoman nga pinaagi sa Exercise Surigao Sentinel 2026, mapalambo ang kahandam, kapasidad ug hiniusang paglihok sa mga partisipanteng pwersa ug ahensiya aron mapanalipdan ang kalinaw ug kaluwasan sa Surigao City, Dinagat Islands ug sa kasikbit nga mga lugar.
