Nakumpiska sang kapulisan ang ginapatihan nga shabu nga nagabalor sang yara saP56,000.00 kag nadakpan ang isa ka 50 anyos nga lalaki sa buy-bust operation sa Purok Villa Celina, Barangay Kalawag Uno, Isulan, Sultan Kudarat, alas 7:02 sang gab-i, Oktubre 18, 2026.
Ang operasyon ginpatigayon sang Isulan Municipal Police Station, kaupod ang Philippine Drug Enforcement Agency kag nagkalain-lain nga police units sa probinsya.
Nakuha sa suspek nga ginkilala sa alyas nga “Hok,” residente sang Barangay Kalawag Tres, ang duha ka sachet sang ginapatihan nga shabu nga may kabug-aton nga 8.26 gramos kag nagabalor sang P56,168.00, suno sa Dangerous Drugs Board valuation.
Narekober man ang isa ka libo ka pesos nga marked money kag isa ka itom nga pouch. Ang suspek magapangatubang sang kaso sa paglapas sang Sections 5 kag 11, Article II sang Republic Act 9165 ukon Comprehensive Dangerous Drugs Act of 2002.
Photo courtesy: PNP Police Regional Office 12
