Pagatukoron na ang duha ka dakong pasilidad sa agrikultura nga nagkantidad og kapin ₱19 milyon sulod sa Ancestral Domain sa Daraghuyan human gipahigayon sa LGU Malaybalay ug Mindanao Inclusive Agriculture Development Project (MIADP) sa DA ang seremonyal nga groundbreaking ug capsule-laying didto sa barangay Dalwangan niadtong Oktubre 13, 2026.
Ang maong mga proyekto, nga gipondohan sa World Bank, naglakip sa ₱8.8-milyon nga Coffee Processing Facility nga pagatukoron sa SBM Builders ug ang ₱10.4-milyon nga Multi-Commodity Warehouse nga may Multi-Purpose Drying Pavement ubos sa 3L and JES Construction. Tumong niini nga mapalambo ang pagproseso, pagtipig sa ani, ug mapalapad ang akses sa merkado alang sa mga lokal nga mag-uuma.
Gawas sa maong mga pasilidad, gipahibalo usab sa MIADP ang uban pang dugang nga proyekto alang sa komunidad sa Daraghuyan sama sa Farm-to-Market Roads ug Potable Water System, samtang gipahigayon usab ang tradisyonal nga ritwal sa mga Lumad sa wala pa ug human sa maong kalihokan aron masiguro ang hapsay ug malungtarong pagpatuman sa proyekto.
Photo courtesy:LGU – Malaybalay City
