Nangayo og suporta si Cagayan de Oro City Mayor Rolando “Klarex” Uy sa mga Kagay-anon alang sa planong pagbalhin sa city hall ngadto sa bag-ong lokasyon sa Barangay Carmen.
Matod ni Uy, dili pasagdan nga masayang ang kasamtangang city hall kay plano nga gamiton kini isip museyo ug dugang nga kampus sa City College aron mas mapalapad ang oportunidad sa edukasyon alang sa kabatan-onan sa sentrong bahin sa dakbayan.
Kahinumduman nga sa milabay nga mga adlaw adunay mga pangutana ug kabalaka nga mitungha human nahisgutan sa hawanan sa konseho sa dakbayan ang planong pagpangutang sa LGU og 8.5 bilyong pesos alang sa pagtukod sa bag-ong city hall.
Photo courtesy: Cagayan de Oro City Information Office
