Wala na kaikyas sa kapulisan ang usa ka 38-anyos nga lalaki nga giila isip Top 6 Most Wanted Person sa municipal level sa Purok 2B, Barangay Poblacion, Lantapan, Bukidnon, alas-11:30 sa buntag niadtong Setyembre 29, 2026.
Ang nadakpan giila nga si alyas Marvy, 38 anyos, minyo ug residente sa maong lugar. Gipatuman ang pagdakop pinaagi sa Warrant of Arrest nga gipetsahan og Setyembre 8, 2026, may kalabotan sa duha ka kaso sa Rape diin walay girekomendar nga piyansa bugti sa iyang tmeporaryong kagawasan.
Gipahigayon ang operasyon sa hiniusang pwersa mga personahe sa Lantapan Municipal Police Station ug Bukidnon 1st Provincial Mobile Force Company, sa koordinasyon sa Provincial Intelligence Unit sa Bukidnon Police Provincial Office.
Human sa pagdakop, gidala ang nadakpan sa Lantapan MPS ug anaa na sa kustodiya sa kapulisan alang sa dokumentasyon ug hustong disposisyon sa kaso.
