Ginalauman ang walo ka rehiyon sang Luzon nga magpartisipar sa Mindanao Tourism Expo ukon MTEX 2026 nga pagahiwaton sa Oktubre 2-4, 2026 sa Probinsiya sang Sultan Kudarat.
Sa nasambit nga Expo, ipakita ang nagkalain-lain nga destinasyon, kultura, pagkaon, kag mga oportunidad sa turismo halin sa nagkalain-lain nga probinsya kag rehiyon sang Luzon. Kaundan man diri ang mga travel deals, exclusive discounts, kag nagkalain-lain nga tourism offers para sa mga bisita.
Pinaagi sa pagpartisipar sang walo ka Department of Tourism Regional Offices sang Luzon, ginapaabot nga mapabakod pa ang pagbinayloay sang kultura, produkto, destinasyon, kag oportunidad sa travel industry sa tunga sang Luzon kag Mindanao.
Samtang, ipakita man sa expo ang Sultan Kudarat kag iban pa nga destinasyon sa Mindanao bilang mga lugar nga mahimo matukiban kag bisitahon sang mga biyahero halin sa Luzon.
Photo courtesy: Gov. Datu Pax Ali S. Mangudadatu
