Ginpangunahan sang Police Regional Office 12 ang “Salamat Kapatid” Retirement Ceremony para sa mga personnel nga nagretire, nga ginhiwat sa Camp Gen. Paulino T. Santos, Tambler, General Santos City, sang Setyembre 28, 2028.
Ginkilala sa nasambit nga seremonya ang mga retirado bangod sa ila mga tuig sang matinumanon nga serbisyo, sakripisyo kag kontribusyon sa organisasyon.
Ginkilala man ang ila mga pamilya nga nangin sandigan sa bug-at nga responsibilidad kag mga pagsulay sa pagserbisyo bilang pulis.
Sa iya mensahe, ginpahayag ni PBGEN Alan B. Manibog, Regional Director sang PRO 12, nga ang pagretiro amo ang pagtapos sang isa ka kapitulo sang ila karera kag pag-umpisa sang bag-o nga bahin sang kabuhi.
Suno sa iya, mahimo na nila gamiton ang mas madamo nga tion para sa pamilya, personal nga mga handum kag iban pa nga mga pangandoy.
Ginpabutyag man niya nga bisan nagretiro na ang badge, magapabilin ang mga handumanan, eksperyensya kag mga leksyon nga nahatag sang mga retirado sa organisasyon.
Photo courtesy: PNP Police Regional Office 12
