Patay ang isa ka babaye, samtang kritikal ang iya bana matapos ang pagpangluthang sa sulod sang ila pulu-an sa Purok Masagana, Barangay Laguinding, Esperanza, Sultan Kudarat, pasado alas-Singko sang hapon sang Setyembre 28, 2026.
Ginkilala sang Esperanza Municipal Police Station ang biktima nga si Rhonabelle Lelim Latigay, 39 anyos, nga gin-deklarar nga dead on arrival sang gindala sa ospital. Samtang, kritikal ang kondisyon sang iya bana nga si Ryan Arosa Latigay, nga nakaangkon man sang pilas halin sa mga bala.
Base sa pauna nga imbestigasyon sang kapulisan, apat ka lalaki nga sakay sang isa ka Gray nga Sedan ang nagkadto sa ila puluy-an. Isa sa mga suspek ang ginasiling nga nakasuksok sang black jersey jacket kag may dala nga armas.
Nagresponde sa gilayon ang mga pulis kag nagpatigayon sang hot pursuit operation.Padayon ang imbestigasyon sang mga awtoridad agud makilala kag madakpan ang mga suspek, kag matukiban ang motibo sa pagpamusil.
