Ginpamatuod sang Sultan Kudarat Provincial Police Office ukon SKPPO nga wala sang natabo nga pagpangluthang sa Isulan National High School matapos ang nagluntad nga mabaskog nga tunog sa palibot sang eskwelahan.
Suno sa opisyal nga pahayag, indi ini halin sa armas kag posible nga bangod sa problema sa electrical wiring. Wala man sang ammunition nga nakit-an sa lugar sa ginpatigayon nga imbestigasyon.
Samtang, ginabulubanta sang Bureau of Fire Protection ang posible nga problema sa electrical wiring. Wala sang ginsugid nga casualty ukon injury, kag ginpatuman gilayon ang mga safety protocol para sa seguridad sang mga estudyante, manunudlo kag personnel.
Nanawagan ang mga otoridad sa publiko nga magpabilin nga kalmado kag magsalig lamang sa opisyal kag beripikado nga impormasyon.
Photo courtesy: Gov Datu Pax Ali S. Mangudadatu
