Ginkilala ang mga dedikado nga katapo sang Lokal nga Panguluhan sang Isulan, Sultan Kudarat, nga naghalad sang malawig nga tion sa matutom nga serbisyo publiko.
Ginpatigayon ang 2026 Loyalty Service Awards sang Setyembre 28, 2026 sa Municipal Gymnasium sang Isulan, nga gintambungan ni Vice Mayor Arnold Armada, mga miyembro sang Sangguniang Bayan, kag mga empleyado sang LGU.
Pinaagi sa nasambit nga seremonya, ginhatagan pagkilala ang mga empleyado bangod sa ila malawig nga pagserbisyo, dedikasyon kag pagkamatutom sa pagtuman sang ila mga katungdanan para sa mga pumuluyo sang Isulan.
Suno sa LGU, ang padayon nga pagserbisyo kag pagpangulo sang administrasyon ni Mayor Bai Rihan Sakaluran nagabulig sa pagpalig-on sang paghatag sang matinud-anon kag de-kalidad nga serbisyo publiko.
Ginpahayag man ang pagpasalamat kag pagdayaw sa tanan nga Loyalty Awardees nga padayon nga nagaserbisyo para sa kauswagan sang banwa sang Isulan.
Photo courtesy: Municipality of Isulan- Bagong Isulan
