Gireklamo sa usa ka tricycle driver ang pagpadayon sa pagbiyahe ug pagpamasahero sa mga kolorom nga bao-bao nga walay hustong otorisado nga prangkisa.
Sumala kang alyas “Bongbong,” usa ka tricycle driver, dili patas ang pagpamasahero tungod sa presensya sa mga kolorum nga bao-bao nga padayon gihapon sa pag-operate bisan walay hustong prangkisa.
Gipaabot usab niini nga adunay mga bao-bao nga naggamit lamang og usa ka prangkisa apan doble ang unit nga nagbiyahe ug namasahero.
Gipadangat na niini ang reklamo sa lokal nga kagamhanan, gipasaligan nga aksyonan ang maong isyu.
Nanawagan si alyas Bongbong sa mga hingtungdan nga hugot nga ipatuman ang mga regulasyon aron masiguro ang patas nga panginabuhian sa mga lehitimong tricycle driver ug kaluwasan sa mga pasahero.
