Gipakita sa lima ka teams ang ilang kusog sa Giant Volleyball Tournament sa City Auditorium isip kabahin sa selebrasyon sa ika-126 nga Philippine Civil Service Anniversary, niadtong Setyembre 29, 2026.
Ni-apil sa torneyo ang mga empleyado gikan sa nagkadaiyang city government offices nga gibahin sa Red, Yellow, Orange ug Green Teams, lakip ang Office for Human Resource Management o OHRM.
Pinaagi sa maong kompetisyon, gipasiugda ang teamwork, komunikasyon ug kooperasyon tali sa mga empleyado gikan sa lain-laing opisina.
Gipahigayon ug gipangulohan sa San Carlos City United Volleyball Players’ Association o SCCUPVA, ubos sa liderato ni SCCUPVA President Virgilio Reantuco Jr., ang maong torneyo.
Photo courtesy: San Carlos City, Neg. Occ. -LGU Information Page
