Nagpahigayon og live-fire exercise ang mga cadet sa Visayas State University (VSU) ROTC sa Banggiitan Firing Range sa Barangay Aguiting, Kananga, Leyte isip kabahin sa ilang praktikal nga pagbansay gawas sa tulonghaan.
Ang maong pagbansay gilusad ubos sa pagdumala sa 93rd Infantry “Bantay Kapayapaan” Battalion, diin gihatagan og higayon ang mga cadet nga mapalambo ang ilang kahibalo sa mga batakang taktikal nga kahanas ug husto nga pagdumala sa disiplina atol sa live-fire exercise. Tumong niini nga maandam sila sa ilang umaabot nga tahas isip mga reservist ug citizen-soldier.
Pinaagi sa maong pagbansay, gipasiugda ang importansya sa precision, disiplina ug kahandam sa pag-alagad sa nasod, ilabina sa pagpalig-on sa reserve force nga mahimong suportang pwersa alang sa nasudnong depensa kon gikinahanglan.
photo courtesy: 93rd IB
