Nadakpan sa mga kapulisan ang usa ka giila nga High Value Individual o HVI nga giilang si alyas “Tugas,” residente sa Barangay Lilo-an, Ormoc City atol sa buy-bust operation nga gipahigayon didto sa Barangay Labrador, Ormoc City karong adlawa.
Sa maong operasyon, nasakmit gikan sa suspetsado ang usa ka heat-sealed transparent plastic sachet nga adunay puti nga kristal nga substansiya nga gituohang shabu, ingon man ang P500 nga buy-bust money.
Atubangon sa nadakpan ang kaso tungod sa giingong paglapas sa Sections 5 ug 11, Article II sa Republic Act 9165, o Comprehensive Dangerous Drugs Act.
Human sa pagdakop, gipahibalo sa kapulisan ang suspetsado sa hinungdan sa iyang pagdakop ug sa iyang mga katungod ubos sa Republic Act 7438, o balaod nga naglatid sa mga katungod sa mga tawo nga gidakop, gidetine, o anaa sa custodial investigation.
Sa pagkakaron, gidala ang nadakpan sa Ormoc City Police Station 2 alang sa dokumentasyon ug dugang nga legal nga proseso.
