Gipahigayon ang Department of Agriculture Regional Field Office 8 pinaagi sa Regional Crop Protection Center og spraying operation gamit ang Beauveria bassiana sa mga umahan sa tubo sa Albuera, Leyte nga naapektuhan sa Red-Striped Soft Scale Insect.
Ang maong kalihokan kabahin sa panagtinabangay sa DA-RCPC 8, LGU Albuera, Mill District Development Council Foundation Incorporated ug Bureau of Plant Industry-Crop Pest Management Division aron mapugngan ang pagkaylap sa Red-Striped Soft Scale Insect. Gihatagan usab og teknikal nga giya ang mga mag-uuma bahin sa hustong pagsagol, dosage ug oras sa pag-apply sa maong biological control agent.
Gipahinumdoman ang mga mag-uuma ug LGU personnel nga ipahigayon ang spraying sa late afternoon aron mas epektibo ang fungus. Matud sa DA, ang Beauveria bassiana luwas sa kinaiyahan ug usa ka epektibong alternatibo sa paggamit og kemikal nga pestisidyo batok sa RSSI.
Photo Courtesy: Department of Agriculture – Eastern Visayas
