Nagkampeon ang Tagum City sa Retirement Haven category sa 2026 The Manila Times’ Philippine Model Cities and Municipalities Awards 2026, nga gipahigayon sa Manila Hotel.
Personal nga gidawat ni Councilor Arthur Ong, isip representante sa Lokal nga Panggamhanan sa Tagum ubos sa pagpangulo sa mayor sa dakbayan, ang maong pasidungog alang sa syudad.
Gipasiugda sa dakbayan ang mga programa alang sa senior citizens sama sa Lakbay El Anciano, Fe Misa Ayala Senior’s Park, cash incentives alang sa mga centenarians, Project Apo Ko, livelihood support ug pag-apod-apod og assistive devices.
Gipakita sa maong pag-ila ang padayong pagtagad sa Tagum sa kaayohan sa mga senior citizen, ug ang paningkamot sa lokal nga panggamhanan sa pagmugna og mga serbisyo ug pasilidad alang sa mas maayong kalidad sa kinabuhi sa mga Tagumenyo.
Photo Courtesy: City Government of Tagum
